طريقة تحضير غريبة البهلة باللوز والزنجلان
مقادير غريبة البهلة باللوز والزنجلان
250 غرام زبدة بحرارة المطبخ
زلافة سكر
زلافة زيت
ملعقة صغيرة سمن
فاني
نصف ملعقة صغيرة قرفة
3 أكياس من خميرة الحلوى
200غ لوز مطحون بقشره
4 ملعقة كبيرة زنجلان محمر ومطحون
شوية الطحين حسب الخليط
طريقة تحضير غريبة البهلة باللوز والزنجلان
نخدمو الزبدة مع السكر والسمن جيدا حتى تصبح مثل الكريم مع اضافة الزيت شيئا فشيئا و الفاني واللوز و الزنجلان والطحين خاصها تكون مرملة واراك للدليك , تدلك مزيان حتى تجمع و ترتاح على الاقل 3 سوايع ومن الاحسن تبات ليلة كاملة نعملوها في بلاستيكة او في الكوكوط. ومن بعد نضيفو الخمارات وندلكو مزيان حتى تطلق ليدام ديالها وترجع تشكل بسهولة هاد هو سر هشاشتها ونجاحها الدليك ثم الدليك وخا دوزيها في المكينة ضروري دلكيها ونشكلوها ونعملوها طيب في فرن مسخن من قبل من الاحسن من بعد متكوني خبزتي فيه الخبز وعمليها من التحت ونقصي النار حتى تتشقق وتعمل الفوق مع المراقبة وهذا هو الشكل النهائي لغريبة البهلة باللوز والزنجلان
